同「饭托」Karen撞样！

最近网络热爆话题应该係少女Karen带唔同男网友去同一间餐厅 1 晚食 11 餐，顺势劏客再同餐厅分佣。最近有网民就力推呢位《爱回家》嘅女演员（角色名：池美丽）化身Karen重演案情，望一望，又真係有几分相似喎！

观众昐《爱回家》池美丽重演案情

简单讲返件事，近日有一班苦主喺交友网站认识一名叫做Karen、貌似胖妹加苏永康混合体嘅少女，声称失恋想搵人陪食饭，受害人应约后，就被带到太子一间名为「唐三楼」嘅cafe食饭，受害人形容嗰度啲食物好难食，埋单仲要 800 蚊！其中一名苦主更发现「胖妹」不停带唔同男人去呢间cafe食饭，1 晚食足 11 餐，怀疑係骗局，所以决定踢爆事件，以防再有人中伏！

Karen喺交友网用假相，仲指自己叫Anna，呃到唔少男仔都同佢倾计同见面。

饭托Karen事件又点解会关《爱回家》事呢？皆因有网民认为Karen同《爱回家之开心速递》入面嘅池美丽（锺凯琪饰）好似样，希望编剧可以为帮池美丽写返一集，重演饭托骄案。

池美丽喺剧中係池子孝个妹，指佢极度迷恋秦博思，锺意食嘢唔做嘢，连送去客人嘅货都食埋。所以搵佢做「美女饭托」就一定好正！

锺凯琪喺Instagram出Post：「其实我都有试过好多次食饭唔使畀钱嘅经验。」咁搵佢扮Karen实好适合啦！

有网民就真係好期待会有个饭托题材，亦都有人认为池美丽靓过Karen好多！

下一页：《跳跃生命线》救护四子组成「跳跃F4」｜经典《流星雨》MV画面重现！

延伸阅读：黄翠如生日！｜萧正楠送女友苹果树蛋糕｜原来暗藏浪漫含意…